Ollomoltranvía é o encargado da posta en escea de hoxe dentro do ciclo "Xoves teatrais" en Ferrol. E faino con "Policía", unha representación sobre os interrogatorios a un grupo oporto ó réxime. E en Santiago, "A Carnicería Teatro" recupera o mito de "Faetón" na súa última montaxe "After Sun".
Policías no Ferrol
Baixo o título de "Policias", Ollomoltranvía presenta a representación dunha comedia do autor polaco Slawomir Mrozeck. Unha obra na que se conta a historia dun país no que o único grupo oposto ó réxime acaba por acatar as súas normas logo dun durísimo interrogatorio. Unha obra que Ollomoltranvía levará por Asturias, Euskadi, Huesca e Oporto.
Faetón no After Sun
A última obra da compañía "A Carnicería Teatro", "After Sun" presenta esta noite na Nasa o festival Alternativa 2001. Unha obra que se inspira no mito de Faetón no que un home ambiciona máis da conta. E este feito serve de base para que "A Carnicería" ofreza unha peza teatral con referencias políticas, nun traballo moi ecláctico que mestura textos con músicas variadas, accións e imaxes. E todo nunha atmosfera de violencia que o grupo considera inherente á propia ficción teatral.
