Mañá celébrase o Día Mundial de Teatro. E por ese motivo a Sociedad General de Autores (SGAE) acaba de facer públicos os datos relativos ó gasto por comunidades neste tipo de espectáculos. Un informe que revela que os galegos son os que menos gastan en acudir ó teatro. E mentras tanto, continúan as representacións teatrais. Esta semana Pingallas leva a Poio a obra "En tódalas casas se cocen fabas"
Sobre o estudio
Sesenta e dúas pesetas. Esto é o que se gasta cada galego ó ano en acudir a unha representación teatral. Unha porcentaxe moi pequena que sitúa a Galicia moi por debaixo da media do estado español, unhas 436 pesetas. Por debaixo dos galegos están os estremeños (con 58 pesetas), e por riba o resto de comunidades capitaneadas polos madrileños (1.121 pesetas) e os catalásn (con 530 pesetas). Uns datos que acaba d efacer públicos á Sociedade General de Autores con motivo de que mañá se celebra o día internacional de teatro.
E outra representación
Á espera de que se fallen os premios máis prestixiosos do teatro galego, os María Casares, en Galicia continúan as súas representacións. E esta vez, teñen lugar en Poio, onde o grupo teatral Pingallas pon en escea "En tódalas casas se cocen fabas", unha obra de producción propia na que un grupo de mulleres deciden poñerse a traballar para gañar "uns cuartiños" e comezan a ver como a súa vida comeza a cambiar. A representación terá lugar o día 31 na Casa Rosada.
