Unha das novidades máis destacadas desta XVII Edición das Xornadas de Ourense é a convocatoria “BD 24 × 24”, na que se convida a colaborar aos autores do país no intento de realizar historias de vinte e catro páxinas en vinte e catro horas. Esta edición supón tamén o retorno do formato cine ao ciclo “Cinema e BD”, que o pasado ano se realizara en formato vídeo. Por segunda ocasión, está ausente das actividades a tradicional Expofanzines, e tamén acharemos de menos a anunciada presentación de “APB Files”. A obra que está a coordinar Emma Ríos terá que agardar a outra ocasión ante os compromisos laborais que está a desenvolver a autora a nivel internacional.
Máis información nas novas de BD
