A publicación en homenaxe ao centenario de “Little Nemo” inclúe unha historia de Miguelanxo Prado

Os cen anos dun clásico da banda deseñada como é “Little Nemo” levou a que tres editoras. Les Impresions Nouvelle de Francia, Coconino Press de Italia e Edicionós Sinsentido de España decidisen lanzar un álbum de homenaxe a esta mítica serie. “Little Nemo, 1905-2005: un século de soños” recolle historias dalgúns dos nomes máis importantes da novena arte a nivel mundial. Moebius, Otomo, Spiegelman, Schuitten, David B. ou Mattoti comparten páxinas co galego Miguelanxo Prado. A obra, que se presentará o vindeiro quince de outubro incluirá tamén unha serie de análises sobre o personaxe de Windsor McCay, elaborados por diferentes investigadores lingüísticos e sociais.

Máis información no web de Sinsentido e na ficha de Prado