Cando aínda quedan comercios que venden roupa de verán, os deseñadores veñen a presentar o que vestiremos no seguinte. E ese escaparate non está nas rúas senón en Pontus Veteris, a pasarela pontevedresa que exhibirá este xoves 15 de setembro, as tendencias ideadas polas firmas galegas. Ás 20:00 horas as modelos posarán os deseños de Araújo Piel, María Mariño, Makari e Boxley e dúas horas máis tarde, ás 22:00, pasaranse os modelos de Florentino, Charoa, Montoto e Toypes. E para abrir boca, o Macuf acolle mañá unha mesa redonda sobre moda na que participarán Elio Berhanyer, Jesús del Pozo, Modesto Lomba, Antonio Pernas e Roberto Verino.
