As actuacións de Lou Reed, Red Hot Chili Peppers, Chemichal Brothers e Bob Dylan que se desenvolveron no marco dos Concertos do Novo Milenio no Monte do Gozo o pasado ano son para o anuario da SGAE algúns dos máis destacados do Estado. O número de espectadores e a recadación dos eventos son os criterios polos que a Sociedade Xeral de Autores e Editores clasifica estes espectáculos, sendo o de Lour Reed, con case 25.000 espectadores e 619.000 euros de recadación o que está máis alto, cun sétimo posto a nivel estatal. Canda a estes datos, o anuario revela que Galicia é a sétima comunidade en representacións teatrais, con 2.727 espectáculos. Ademais, as cifras sinalan que o jazz supera ao folk en número de actuacións, cun 16,2% fronte a un 15,8% do total de 2004. A música máis interpretada en directo segue a ser o pop-rock, que soou no 31,2% dos concertos.
Máis información en La Opinión
