Helena Villar substituirá o falecido Agustín Sixto Seco na presidencia da Fundación Rosalía de Castro. O pasado venres pola tarde o padroado desta institución elixía por unanimidade a escritora para este posto, logo dunha tensa xuntanza. Canda a ela, integrarán a nova directiva Xosé Luís Axeitos como secretario, Ana Blanco como vicepresidenta e Xusto Cortizo como tesoureiro. Canda a estes cargos, o padroado decidiu tamén outorgar a dirección da casa museo de Rosalía a Carlos Valle e deixar en mans de Xesús Alonso Montero a responsabilidade do Centro de Estudos Rosalianos.
Máis información en Galicia Hoxe
