Uns veñen e outros van. O xornalista galego Xosé Luís García Canido (Vigo, 1968) vén de ser nomeado director de cultura do Instituto Cervantes. Este vigués, que tiña unha ampla experiencia en medios de comunicación, ocupaba o cargo de subdirector de cultura do Instituto Cervantes. Seguimos en Vigo, onde o Museo de Arte Contemporánea acaba de publicar un anuncio para buscar a persoa que dirixa o centro. É o mesmo procedemento que no seu día se empregou para escoller á que foi a súa titular ata hai quince días, Carlota Álvarez Basso. A decisión será asumida polo padroado do centro en outubro.
Máis información sobre García Canido e sobre o MARCO en La Voz de Galicia
