O deseño forma parte da nosa vida cotiá sen que nos deamos conta. É a tese que se defende na nova exposición do MARCO Estrañamente familiares. Deseño e vida cotiá. É a última mostra que acolle o MARCO con Carlota Álvarez Basso como directora, xa que hoxe inicia a súa nova andaina á fronte da Sociedade Estatal de Conmemoracións Culturais. Ademais, marcha pechando a única polémica que se xerou durante os seu anos de mandato, que foi a revisión que o centro fixera do movemento Atlántica. O libro Voces da Atlántica (editado por Galaxia) pon fin ás diferenzas entre o colectivo de artistas e o museo vigués. Pola súa banda, o CGAC vén de presentar a súa programación para o que resta de ano. Entre as novidades que se poderán ver destacan as mostras de Din Matamoro e Jim Hodges.
Máis información sobre a exposición no web do MARCO, sobre a publicación no Faro de Vigo, sobre marcha de Carlota Álvarez e a inauguración do centro na nosa hemeroteca. En La Voz de Galicia as novas mostras do CGAC
