UVigo tv é a canle de televisión para retransmitir contidos educativos que ten a Universidade de Vigo. Logo dunha temporada en probas acaba de abrir para as necesidades de profesores, investigadores, alumnos e persoal de administración dos tres campus que ten a institución viguesa. Nesta canle os usuarios poderán gozar dun novo servizo de televisión dixital que combina a programación en directo co vídeo baixo demanda.
