Aínda que xa leva varios meses de actividade, a editora coruñesa InÉditor fixo esta fin de semana a súa posta de longo ao se presentar oficialmente na Feira do Libro de Madrid. Esta proposta, dirixida por Gonzalo López Torres, nace coa intención de dar a coñecer autores de calidade que se encontren "fóra dos círculos mediáticos actuais" atendendo, segundo el, "a calidade literaria na súa máxima expresión e sen barreiras idiomáticas". Polo momento, as tres primeiras propostas están en castelán, e son os títulos "Diario de un manipulador", da coruñesa Susana M. Veiga, "MS o cómo entender a literatura" de Félix Chacón, e "Las miserias del héroe" de Germán Temprano.
Máis información en Galicia Hoxe e no web da editorial
