A falta de apoio da Xunta é, segundo o escritor e promotor da iniciativa Kiko Álvarez, a causa de que se adíe o congreso que o Instituto Cervantes de Nova York ía celebrar sobre lingua e literatura galegas. A convocatoria, que estaba prevista para o vindeiro mes de xuño na sede que ten o Instituto na Grande Mazá quería reunir por primeira vez nesta cidade representantes de diferentes campos da nosa cultura. Segundo Kiko Álvarez, a Xunta non deu resposta ás solicitudes de colaboración con este evento e na actualidade está a se procurar axuda privada para desenvolver o programa previsto.
Máis información en La Voz de Galicia e nos nosos arquivos
