A lei 41/1995 é a que establece que antes do 4 de agosto deberán estar adxudicadas as licenzas de televisión dixital terrestre. Unha normativa á que se agarra o goberno en funcións para cumprir o procedemento, aínda que estamos en período electoral. O venres da semana pasada o consello da Xunta aprobou os pregos para esta oferta que regulará dúas canles de televisión autonómica (as outras dúas resérvanse para a TVG) e 63 canles de televisión de ámbito local. Como o goberno que resulte das eleccións do vindeiro 19 de xuño se constituirá a mediados de agosto, será o goberno en funcións quen falle o concurso.
Máis información no Consello da Xunta (en pdf)
