A lista de debuxantes galegos que colaboran con “Míster K”, a revista xuvenil de Ediciones El Jueves, mudou nas últimas tres semanas. Víctor Rivas, o vigués que xa estivera en contactos coa revista no momento do seu lanzamento, comezou a ilustrar nos últimos números a serie “Harry Pórrez”, con guión de Vergara, en substitución de Sanvi. Case simultaneamente Javi Montes, debuxante da serie “Rocket B”, abandonaba este proxecto, o que tamén retiraba ao ourensán Miguel Robledo, guionista da mesma. Mentres, os outros dous galegos presentes na publicación continúan as súas series, Kiko da Silva con “Clases con Guasa” e “Turisteo”, Alberto Guitián con “Malas Pulgadas” e Santy Gutiérrez con "Yeti".
Máis información no web de “Míster K”
