Conclúe a feira de teatro de Compostela que tivo unha maior participación de programadores

Coa concesión dos premios do xurado (para “O encoro” de Teatro do Atlántico) e do público (para “Historia Natural” de Matarile) concluíu en Santiago a XIII edición da feira de Teatro. Por iso é hora de facer balance dos cinco intensos días de traballo. Para o director, Víctor López Carbajales, esta edición da feira “avanzouse moito na imaxe de profesionalización” e non só iso. Os programadores que se achegaron ata Santiago destacaron un aumento do nivel das compañías galegas, con espectáculos máis laboriosos, tanto no número de artistas como na dimensión artística.

Máis información no web da Feira de Teatro e en La Voz de Galicia e en Galicia Hoxe