O equipo de investigación xenética do hospital coruñés Juan Canalejo vén de desenvolver unha técnica pioneira para contabilizar a cantidade de espermatozoides que teñen danado o ADN. Este avance, do que se fai eco La Opinión, comercializarase en breve en todo o mundo. Habitualmente, as investigacións médicas non teñen moita visibilidade, por iso o Sergas vén de asinar un contrato cunha editorial en liña para que os profesionais publiquen os seus traballos e accedan ao recursos da mesma. Forma parte dun proxecto da Consellaría de Sanidade para reforzar e estructurar os recursos e medios destinados á investigación.
Máis información sobre o adianto en La Opinión e sobre a publicación en Biomed Central
