As artes escénicas anegan Galicia. Mentres hoxe en Compostela se inicia unha nova edición da feira de teatro, A Coruña terá a súa parte este venres. Será ese día cando o Centro Dramático Galego estreará “Ricardo III” a obra máis representada de Shakespeare. Unha produción que segundo o director da compañía pública, Manuel Guede, “é unha desas páxinas nas que se mide a musculatura dun teatro”. A obra comeza na cidade herculina unha xira que os levará por Narón, Santiago (onde estará case un mes), Tui, A Estrada, Vigo e Ourense. Concluída a xira galega viaxará a Madrid onde participará, entre outras citas, no Festival de Teatro Clásico de Almagro.
Máis información en La Voz de Galicia
