A Universidade de Santiago aprobou onte a relación de prazas en cada unha das titulacións que imparte nos campus de Compostela e Lugo. Entre as medidas aprobadas figuraba a eliminación de “números clausus” enxeñería técnica en Química Industrial, Traballo Social e Farmacia, mentres que se limitou o acceso a Relacións Laborais, Bioloxía, e Psicoloxía, e ao segundo ciclo de Comunicación Audiovisual para os que chegan doutras carreiras. Por outra banda, nese mesmo consello aprobou conceder case vinte licencias de anos sabáticos e profesores e a modificación do regulamento do Centro de Estudos Turísticos da USC.
Máis información no web da USC
