O plenario da real Academia Galega reunido o sábado sesión ordinaria decidía por maioría a incorporación de Euloxio R. Ruibal como novo membro da RAG. Ruibal, que pasa a ocupar a vacante deixada polo falecemento de Meixide Pardo, é un recoñecido dramaturgo nacido en Ordes en 1945. O presidente da academia, Xosé Ramón Barreiro, destacou tamén da reunión a presentación dos acordos co Instituto Cervantes para a tradución a diversos idiomas de dez dos principais referentes da literatura galega, así como os preparativos para a celebración do centenario da RAG. Segue vacante na academia o posto de Manuel María para o que en vindeiros meses votarase a incorporación de Darío Xohán Cabana.
Máis información en Galicia Hoxe
e a ficha en Lg3 de Euloxio R. Ruibal
