Aqueles autores galegos que teñan albumes de BD ou novelas gráficas xa rematadas ou que están a piques de rematalas teñen agora unha oportunidade para sacar esas obras á luz. A Deputación da Coruña acaba de convocar o certame Castelao de BD, que premia este tipo de obras, con entre corenta e oito e sesenta e catro páxinas, con seis mil euros. Poden presentar ata o final de maio as súas obras en galego autores de calquera nacionalidade, cun máximos de dous por obra. O certame, que conta coa participación de Miguelanxo Prado no xurado, dará a coñecer o seu gañador na vindeira edición de “Viñetas desde o Atlántico” e prevé a publicación da obra premiada.
Máis información no web da Deputación da Coruña
