A Deputación da Coruña convocou sorpresivamente este ano a novena xeira do Premio Castelao de Banda Deseñada. O Boletín Oficial da Provincia recollía o pasado 12 de febreiro a convocatoria do galardón, dotado con 6.500 euros e ao que se poden presentar obras rematadas cun mínimo de 48 páxinas. O prazo para concorrer remata o vindeiro 4 de abril. A entidade anunciara que o certame pasaba a ser bienal non chegou a convocar a edición de 2012, aínda que o pasado ano si se celebrou a correspondente xeira. A premura da convocatoria, e o feito de que os autores non contasen con poder presentar obras este ano pode dificultar a participación no certame.
Ao tempo, a Deputación convocou tamén o V Concurso de Viñetas para a igualdade por mor do Día da Muller. Ao certame poden presentarse autores e autoras de entre 12 e 18 anos con viñetas ou tiras, ata un máximo de seis traballos.
