O Presidente da Xunta, Manuel Fraga, comprometeu o apoio da administración galega á candidatura ao Patrimonio Inmaterial da UNESCO para a tradición galaico portuguesa. O Presidente asegurou que este recoñecemento “axudaría a consolidar a eurorrexión Galicia-Norte de Portugal” e que supón “a culminación dun arduo traballo dos promotores a través das campañas de divulgación” levadas a cabo pola agrupación “Ponte...nas ondas”. Fraga participou no acto oficial de presentación da candidatura no Porto, acompañando a dous ministros do goberno portugués. Ata o momento, a candidatura galego-portuguesa contaba co apoio do Goberno portugués e do español.
Máis información en La Voz de Galicia; o noso tema do día
