A finca Sensat de Alcabre, en Vigo, acolle desde hai anos a maior colección de escudos de armas labrados en pedra que existe en Galicia. A familia propietaria da finca, os Sensat, foi adquirindo co tempo os símbolos heráldicos dalgunhas das principais familias da nobreza do país, ata superar a centena. A partir do vindeiro mes de febreiro, o pazo familiar do século XIX transformarase nun hotel de cinco estrelas no que se exporá parte desta colección, composta por noventa e catro pezas. Os escudos poderán verse distribuídos entre as diferentes instalacións do complexo residencial, tanto no interior como no exterior.
Máis información na edición de hoxe de Atlántico Diario
