As axudas públicas destinadas a garantir a conservación das masas de bosques incluídas na rede Natura 2000 non abondan para garantir a integridade destes medios naturais. Esta é a conclusión da análise que realizou o economista Mario Soliño Millán sobre esta cuestión e que recibiu o premio para novos investigadores da Asociación de Amigos da Universidade de Vigo. O investigador propón un novo sistema de xestión destes espazos no que se prime as mancomunidades de montes na mellora dos bosques en lugar da explotación madeireira. Tamén lembrou que a axuda máxima prevista pola UE para apoiar a repoboación de especies autóctonas frondosas coma carballos ou castiñeiros está en 4.830 euros, fronte aos 2.103 que oferta actualmente a Xunta.
Máis información en Faro de Vigo
