Anacos de tea heteroxéneos remendados entre si formando parte dun só corpo. Así son os nosos colaboradores unidos. Unha tea estampada de Anxos Sumai, feita á súa vez de remendos en “Anxos de garda”. Unha imaxe simbólica e poética na tea do “Inventario Indócil” de poemas visuais de Elvira Riveiro. Fran Morell aporta un tapiz de imaxes incríbeis que parte da fantasía e a ciencia ficción e chegan a “Os 7 fantásticos”. Un cadrado composto de outros cadrados en branco e negro é a tea do “Encrucillado” de Paulino Novo que se engade e completa este mosaico semanal.