Moitas obras e mesas redondas, pero sobre todo moita arte. Estes son os piares que centran unha nova edición da Bienal Laxeiro que acaba de anunciar o concello de Lalín para o vindeiro mes de maio. Os que desexen participar deberán remitir os dossieres das súas obras entre o 4 e o 19 de febreiro para o que o xurado, composto polo catedrático José Manuel García; o decano da Facultade de Belas Artes de Pontevedra, Xesús Hernández; a directora do MARCO, Carlota Álvarez e Francisco Lareo, presidente da Fundación A Solaina faga a selección. A exposición abrirá as súas portas no Museo Municipal do 13 de maio ao 3 de xuño, prazo no que se desenvolverán as “Discusións redondas”, as actividades paralelas que abordarán a arte desde outros puntos de vista.
Máis información no web do Concello de Lalín
