Hai uns días La Voz de Galicia informaba do mapa enviado polo satélite de clima Envisat sobre a polución por dióxido de nitróxeno. Segundo aquel gráfico situábase no sureste da provincia de Lugo a máxima concentración de gas contaminante. Este mesmo xornal consultou con expertos as causas dos elevados datos de concentración deste gas e aínda que non atopan unha explicación científica probada apuntan á orografía, á industria e ao tráfico da A-6. En todo caso, os niveis localizados non son preocupantes para a saúde e atópanse lonxe dos de Madrid ou Barcelona.
Máis información en La Voz de Galicia
