Os datos da estación de control da contaminación do Saviñao revelan segundo a Xunta que a contaminación por nitróxeno no Courel está por baixo dos niveis estabelecidos pola lexislación. Deste xeito, o goberno galego refuta o informe da Unión Europea que indicaba a existencia das concentracións máis altas de óxido de nitróxeno do Estado nesta zona, na Ribeira Sacra e no sur de Lugo. A Consellaría de Medio Ambiente solicitoulle de calquera xeito ao Instituto de Física Medioambiental de Heidelberg, onde se realizou a análise, que explique a orixe desta suposta contaminación e que permita cotexar os seus datos.
Máis información en La Voz de Galicia e na nosa nova
