A urbanización do Papagaio na Coruña implica a construción dun garaxe debaixo do conxunto arquitectónico das Capuchinas. A igrexa e os promotores privados acordaron a creación dun aparcamento debaixo da casa do arcebispado, asegurando que suporía unha reconstrución fidedigna do edificio orixinal. Polo demais, a delegación coruñesa do Colexio de Arquitectos de Galicia acaba de denunciar que esta obra modifica todo o elemento estrutural do edificio que ten protección monumental, o mesmo grado que a Torre de Hércules, e que supón un incumprimento do Pepri (Plan Especial de Protección e Reforma Interior da Cidade Vella e da Pescadería).
Máis información en La Opinión
