A Deputación de Pontevedra quere celebrar o Día da Hispanidade creando uns galardóns para premiar o traballo en pro da solidariedade, integración, apoio e a profundización do coñecemento entre os pobos. Son os premios “Entreculturas” que nacen este ano con dous recoñecementos extraordinarios: un deles para o Arquivo da Emigración Galega polo seu labor de recuperación da memoria histórica e o outro para o Centro Galicia de Montevideo que vén de cumprir o seu 125 aniversario. Os premios serán entregados o vindeiro 12 de outubro no Pazo Provincial de Pontevedra ás 19:30 horas.
Máis información no web da Deputación de Pontevedra e no web do Arquivo da Emigración Galega
