Anxos Sumai mira directamente aos ollos do lobo que se moven polo bosque no comezo do outono nesta entrega de “Anxos de garda”. E o misterio e a escuridade da mirada do lobo tamén chega até as novas da fantasía e a ciencia ficción que trae Fran Morell en “Os 7 Fantásticos”. O “Inventario Indócil” de poemas visuais de Elvira Riveiro ten a forza e a decisión deste animal do bosque coa súa expresividade, e sería inxusto non dicir que a astucia precisa para resolver o Encrucillado desta semana é digna dun lobo.