Os libros de texto serán de balde para todo o ensino obrigatorio nos vindeiros anos, segundo informou onte no Parlamento o conselleiro de Educación Celso Currás. O conselleiro considerou un éxito a fase experimental do sistema de gratuidade que se está aplicar en sexto de primaria e en segundo de ensino secundario. Ademais, Currás anunciou que o seu departamento destinará tres euros por alumno para crear bibliotecas de aula e achegará 600.000 a material bibliográfico. Estes anuncios coincidiron na cámara coa votación pola que finalmente foi aprobado por unanimidade o Plan Xeral de Normalización da Lingua Galega (PXNLG), ao que xa anunciaran o seu apoio todos os grupos parlamentarios.
Máis información en La Voz de Galicia; en Galicia Hoxe sobre a gratuidade; sobre o PXNLG; en Diario de Ferrol e nos nosos arquivos