Arredor de vinte mil estudantes de segundo de Ensino Secundario Obrigatorio disporán de libros de balde durante o vindeiro curso. Estes alumnos súmanse aos vinte e tres mil de sexto de primaria que xa os tiveran dentro do programa que iniciou a Xunta o pasado ano. A Consellaría de Educación destinará algo máis de cinco millóns de euros á adquisición de novos manuais e a substituír aqueles que se estragaron durante o curso pasado. Desde este departamento comprometéronse a acelerar o pago aos libreiros que aínda non cobraron os volumes que proporcionaron para o vindeiro ano.
Máis información en La Voz de Galicia e no noso tema sobre a gratuidade