A pedagoxía, a literatura infantil e a lingüística centran cadanseu encontro en Compostela

Compostela está de encontros estes días. Se onte arrincaban os XIII Encontros Pedagóxicos que organiza a Asociación Socio Pedagóxica Galega e a Confederación Intersindical Galega e que analizaron onte o Plan Xeral de Normalización que se presenta hoxe no Parlamento entre outras cuestións. Tamén onte botaba a andar o curso sobre mediación para o fomento da lectura infantil e xuvenil, organizado pola Universidade de Santiago de Compostela. Finalmente, desde hoxe e até o vindeiro día vinte e cinco, a USC tamén acolle o XXVIII Coloquio da Sociedade Internacional de Lingüística Funcional, que achega á cidade douscentos dos principais especialistas de todo o mundo nesta disciplina.

Máis información sobre os encontros pedagóxicos en La Voz de Galicia; sobre o curso de fomento da lectura en El Correo Gallego; sobre o encontro de lingüística funcional en Vieiros