O Consello da Cultura Galega acollía esta mañá a presentación do terceiro volume do proxecto “O proceso de normalización do idioma galego 1980-2000”. Co título de “Elaboración e difusión da lingua”, esta obra, elaborada pola Sección de Lingua recolle os procesos polos que se foi elaborando o idioma para se adaptar a novos empregos e contextos neste período. Neste sentido Henrique Monteagudo, coordinador da obra, apuntou o desenvolvemento do galego para adaptarse aos medios de comunicación e a linguaxes especializados. Coma grande desafío para o futuro, os coordinadores do informe apuntaron a necesidade de afondar na corrección do galego falado e de mellorar a pedagoxía da lingua.
Descarga o volume na nosa biblioteca; máis información no web do Consello da Cultura
