Unha mostra, a edición dunha escolma de textos e unha xornada literaria son os actos cos que as fundacións Camilo José Cela e Rosalía de Castro celebran a importancia da vila de Padrón coma berce de escritores. Os actos comezan mañá cunha xornada literaria na que se analizarán autores do lugar coma Juan Rodríguez de Padrón, Macías o Namorado, Rosalía de Castro ou Camilo José Cela. O vindeiro día nove abrirase a mostra “Padrón, cuna de escritores” que amosará máis polo miúdo a vida e a obra destes autores. Na xornada de mañá presentarase tamén unha escolma que recolle algúns dos traballos destes ilustres padroneses.
Máis información en El Correo Gallego e en La Voz de Galicia
