¿Que mellor maneira de celebrar o Día Europeo da Música que con música? Isto mesmo é o que pensaron os responsábeis do Instituto Galego das Artes Escénicas e Musicais (IGAEM) e a Consellaría de Cultura que prepararon para celebrar esa efeméride que se conmemora hoxe luns, unha serie de concertos de diferentes estilos musicais. A Praza do Toural, Praterías e o Casino de Santiago serán os espazos nos que de xeito gratuíto se poderá escoitar música, coñecer o proceso de construción de instrumentos e asistir a prácticas vogais e instrumentais.
Máis información no web do IGAEM
