A Consellería de Cultura quere modificar o funcionamento do Instituto Galego de Artes Escénicas e Musicais (IGAEM) a partir do diálogo cos profesionais destes campos no país. Así o afirma o xornal “Galicia Hoxe”, que sinala ademais que esta mudanza non se producirá de xeito inmediato e que podería adiarse ata o primeiro semestre do vindeiro ano. Coincidindo con esta nova coñécese a publicación dos dous discos que pechan a colección “Música Clásica Galega”, que o Instituto está a editar co selo Boa Music. “O romanticismo e o nacionalismo” e “A música sinfónica do século XX” son os títulos que completan esta serie, iniciada no ano 2002 baixo a dirección do musicólogo José Calo.
Máis información en Galicia Hoxe e en La Voz de Galicia
