O escritor e agregado cultural da Embaixada de Portugal en España, João de Melo, reflexionará sobre a súa obra e a súa condición de escritor periférico o vindeiro xoves no Consello da Cultura Galega nunha conferencia que levará como título "Portugal, país con illas". O autor de libros como "Gente feliz com lágrimas" e "Antología do conto português" inaugura así un ciclo de conferencias, organizado pola Sección de Literatura e Industrias da Edición, que traerá á capital galega a relevantes escritores portugueses. O coordinador da Sección, Víctor F. Freixanes, será o encargado de presentar a conferencia que terá lugar no Salón de Actos do CCG, na sede do Pazo de Raxoi ás 19:00 horas.
Máis información no sitio doConsello da Cultura Galega
