Está a desenvolverse en Santiago un curso de formación continua para profesores e bibliotecarios de Animación á lectura. Segundo informa Europa Press no curso organizado polo Departamento de Educación e Mocidade do Concello e a Editorial Galaxia os participantes, máis de trinta profesionais da cidade, formaranse como animadores á lectura para contribuír ao desenvolvemento e consolidación do hábito lector nos rapaces. As sesións do curso, que dan a coñecer as estratexias básicas de animación á lectura, teñen lugar os luns e xoves de todo o mes de marzo nos locais da Fundación Granell.
