O que foi un acto de homenaxe ao trobador Xohán de Requeixo o pasado mes de agosto no Monte do Faro convértese agora nun libro. O volume recompilará os versos dos poetas galegos e portugueses, vintecinco en total, que naquela xornada festiva recitaron en persoa os seus traballos e alén diso inclúe aqueles que xa escribiran anteriormente sobre o trobador e os que pese a non poder acudir no día da homenaxe enviaron as súas obras. A publicación, coordinada por Xosé Lois García, engade un CD coas cinco cantigas que se conservan de Xohán de Requeixo adaptadas por César del Caño. O volume presentouse o sábado día 3 no Casino de Chantada.
Máis información en El Correo Gallego
