Suma e segue Sirât cos recoñecementos das academias de cine, neste caso a catalá ven de outorgarlle ao filme de Óliver Laxe oitos dos seus galardóns anuais, os Premis Gaudí. O filme do realizador galego foi designado como a mellor película de lingua non-catalá do 2025 e acadou tamén outros sete premios na cerimonia da decima oitava edición destes galardóns.
O palmarés para Sirât deixa ver un claro recoñecemento da súa excelencia técnica. Os Gaudí premian, por exemplo o seu destacado traballo de Son, polo cal tamén é finalista nos Premios Óscar. Ademais, os académicos cataláns tamén galardoaron do filme como Mellor Música Orixinal; mellor Dirección Artística; Mellor Fotografía; Mellor Dirección de Produción; Efectos Visuais e Maquillaxe e Perruquería. O realizador non puido estar presente na gala catalá polos seus compromisos nos Estados Unidos coa campaña de promoción da película de cara aos Óscar.
