O Teatro Principal de Santiago de Compostela acolle esta fin de semana a estrea da nova peza de danza de Fran Sieira, 'Benquerer', no que estará acompañado en directo polo dúo Caamaño&Ameixeiras.
Este novo espectáculo do coreógrafo e bailarín afonda nos conceptos do amor san, querer, querer ben e quererse ben. O auto-coidado emocional é o eixe central sobre o que xira este novo proceso creativo tan persoal e íntimo para o creador, onde a través do seu propio relato detallará a importancia do coidado, de quererse ben, de aceptarse e respectarse a un mesmo. Desde un punto de vista case autobiográfico, a peza cuestioa que é quererse ben a un mesmo. O espectáculo terá a súa estrea absoluta este venres, 6 de febreiro, ás 20:30 horas e terá outro paseo sábado á mesma hora. Tras ambos pases haberá un encontro cos creadores. Para este espectáculo están dispoñibles butacas preferentes e medidas específicas de accesibilidade sensorial para que persoas con necesidades especiais.
