Cando comezan as primeiras celebracións do Entroido, o xornal La Región publica na rede a curtametraxe documental O segredo do fulión. Esta produción dirixida por Pepelu Viñas deuse a coñecer na última edición do Festival de Cine de Ourense (OUFF) e pode verse no web do xornal e mais no de Telemiño.
Segundo explica o xornal, ao longo dos seus 14 minutos de duración, o filme "percorre a tradición do fulión, as súas mázcaras e ritos" a amosar como se mantén viva en Manzaneda. A actriz Mariana Carballal, o narrador Aimar Vega, o músico Carlos Núñez e o antropólogo Rafael Quintía participan deste proxecto.
