Mondra, Monolious DOP, Wöyza e Ruxe Ruxe conforman o cartel da segunda edición de Amal x Gaza- Artistas galegos x Palestina, xunto ao grupo de baile palestino Watani. Todos eles actuarán este xoves, 9 de outubro, na Sala Capitol de Santiago de Compostela neste evento solidario organizado desde o festival Amal que leva agora dous anos recollendo fondos para a UNRWA, axencia da ONU encargada de ofrecer asistencia humanitaria á poboación palestina, todos os beneficios das entradas, que custan 15 euros (máis gastos) irán destinados a esta organización. Arestora aÃnda quedan entradas dispoñibles. Tamén existe unha conta para as persoas interesadas en facer unha doazón directa á UNRWA. Este evento conta coa colaboración da Cátedra USC – Araguaney para o Diálogo entre Culturas e a SGAE.
