A asociación cultural A Pomba do Arco celebra as súas XXVIII Xornadas de Historia Local entre o 28 e o 31 de xullo en Foz. Desta volta, a tradición oral da Mariña ocupará un espazo relevante, cunha conferencia o día 28 de Ugía Pedreira titulada "Achegamento á música de tradición oral na Mariña" ou outra de Antonio Reigosa sobre "A literatura de tradición oral na Mariña" o día 30 de xullo. As xornadas inclúen tamén conferencias sobre os maragatos na Mariña, de Vidal Martínez-Sierra, o 29 de xullo, e Manuel Miranda, sobre o patrimonio arqueolóxico de Foz, o 31 de xullo. Todas as conferencias se celebran ás 20.30 horas na casa da cultura de Foz e non é precisa inscrición previa.
