Faustino Santalices.
Non se pode entender a recuperación da música tradicional galega sen Faustino Santalices (1877-1959). Gaiteiro, artesán e incansable promotor dos instrumentos tradicionais galegos, desde a gaita ata a zanfona, do que foi responsable da súa recuperación. O seu labor como compilador de melodías e romances foi tamén moi destacado. O legado material de Faustino Santalices foi conservado polo seu fillo, o médico Faustino Santalices, e agora será doado ao Museo do Pobo Galego polas netas, Rosa María e María Isabel Santalices. A entrega do fondo, que se formalizará esta tarde do xoves no xardín do claustro do Museo, "constitúe unha colección singular de gran valor etnográfico, histórico e artístico para a cultura galega, que inclúe o seu obradoiro, ferramentas, zanfonas, gaitas, fotografías, diplomas, cadros, partituras musicais e numerosa documentación".
