A zanfona e Faustino Santalices, historia dunha recuperación

Na nova entrega das Caligrafías Musicais, o formato no que o Arquivo Sonoro de Galicia divulga interesantes conferencias do seu fondo relativas a compositores e instrumentos, publicouse unha charla pronunciada en 1977 na Coruña polo musicólogo Fernando López-Acuña. O investigador fixo unha panorámica das orixes do instrumento, a súa presenza na iconografía medieval galega, e gabou sobre todo o papel de Faustino Santalices, como o gran recuperador do instrumento e da súa música a principios do século XX.