O Centro Galego de Arte Contemporánea deu conta da morte de Alberto González Alegre, comisario e crítico de arte, hoxe aos 68 anos de idade. González Alegre era licenciado en Belas Artes en Pontevedra e colaborou co CGAC e con outras entidades en retrospectivas sobre Lodeiro en 2007 e de Carlos León en 2014, así como da mostra 'Agrupar_Desagrupar'. Tamén comisariou a expo 'Francisco Mantecón. paixón e cálculo' (2015) na Fundación Luís Seoane.
