A Sala de Graos da Facultade de Filoloxía da Universidade da Coruña acolle este mércores o IIIº Encontro da Biblioteca-Arquivo Teatral Francisco Pillado Mayor. A xornada deste ano centrarase na dificultade da arquivística nas artes escénicas. Baixo o título 'A memoria do efémero: como arquivar a actividade escénica?' reuniranse diferentes expertos con perfís variados para amosar as súas experiencias e dificultades. Abrirá a xornada Vanesa Sotelo, dramaturga, en representación da ESAD- Galicia, cunha charla sobre os arquivos particulares. O programa inclúe tamén as achegas de Xulio Balado, de Viravolta Títeres; Berta Muñóz Cáliz, do Centro de Documentación de las Artes escénicas y de la Música; María Joâo Monteiro e José Pedro Louro de Sousa, ambos do Centro de Estudos de Teatro da Universidade de Lisboa.
